ECHO yuav muab lus qhia los pab koj thiab koj tsev neeg kom paub txog tias yuav ua li cas thaum muaj ib qho xwm txheej kev mob lossis kev ntshai ceev hauv Minnesota.  Nyob ntawm seb qhov xwm txheej ceev yog dabtsi mas mam xaiv tias yuav muab cov lus tshaj tawm raws li cas.

Thaum muaj xwm txheej ceev hauv zos ECHO Phone, Fax thiab Web yuav qhia kom ntxaws txog tias yam xwm txheej ceev yog dabtsi thiab koj yuav ua tau li cas thiaj tiv thaiv tau koj thiab koj tsev neeg.

Tej yam xwm txheej ceev hauv zos yog muaj piv txwv li kev tso tawm cov tshuaj uas txaus ntshai, lossis muaj ntau leej neeg tau muaj mob uas tshwm sim hauv ib lub tsev, tsev kawm ntawv lossis chaw ua lag luam tuaj.

Thaum muaj xwm txheej ceev thoob plaws lub xeev, ECHO TV yuav thaij duab tso tawm thaum tabtom tshwm sim thiab.

Tej yam xwm txheej ceev thoob plaws lub xeev yog piv txwv li tias muaj ib tus kab mob xws li SARS uas kis tau yooj yim tau kis tus ub tus no ceev heev lossis muaj kev tua neeg xws li thaum muaj foob pob loj tawg.

Thaum muaj xwm txheej ceev hauv Minnesota:

Hu 1-888-883-8831—ECHO Phone
Cov lus qhia txog xwm txheej ceev yuav muab kaw hauv tus xov tooj no thiab yuav nquag muaj lus tshaj tawm tshiab.  Koj xaiv tau 10 yam lus mloog (lus Mev, Hmoob, Somali, Nplog, Khab Meem, Nyab Laj, Russian, Arabic, Oromo thiab Askiv). Yog nyob hauv xeev Minnesota hu tuaj ces hu dawb xwb.

Tiv tauj cov thawj coj hauv zos.
Muaj ntau tshaj li kaum ob lub koom haum hauv zos yuav pab ECHO tshaj tawm lus qhia txog xwm txheej ceev. ECHO Fax yuav xa fax lossis email cov lus qhia tshiab txog ntawm xwm txheej ceev mus rau cov koom haum hauv zos. Lawv mam li siv cov hau kev uas zoo tshaj los tshaj cov lus qhia txog xwm txheej ceev kom mus cuag tau cov tib neeg hauv lawv zos.

Tso npe nkag rau www.echominnesota.org.
Nyeem txog tib yam lus qhia xwm txheej ceev uas yog ECHO Phone thiab ECHO Fax tshaj tawm
uas sau ua lus Hmoob, Khab Meem, Nplog, Somali, Mev, Nyab Laj thiab Askiv.

Thaum muaj xwm txheej ceev thoob plaws hauv lub xeev Minnesota mus nrhiav tau lus qhia ntawm tas nrho cov chaw saum toj no, nrog rau:
Taws koj lub this-vis rau tshooj qhib rau pej xeem hauv koj koog zos. ECHO TV yuav thaij thaum tabtom tshwm sim uas muaj xwm txheej ceev thoob plaws lub xeev. Cov lus cob qhia txog xwm txheej ceev uas tshaj ua lus Askiv yuav muab tshaj tawm dua ua lus Hmoob, Khab Meem, Nplog, Somali, Mev thiab Nyab Laj rau tshooj ECHO TV.

ECHO TV tawm rau tshooj Twin Cities Public Television (tpt)-Minnesota Tshooj 17 hauv nroog Minneapolis/St. Paul. Kawm kom paub tias ua cas thiaj saib tau Tshooj Minnesota Hauv lub nroog yog tias koj muaj cable lossis TV siv satellite. Thaum muaj xwm txheej ceev thoob plaws lub xeev, cov duab uas thaij tawm yuav tuaj pem tpt chav yees duab hauv St. Paul tuaj. Cov tshooj uas qhib rau pej xeem saib thoob plaws Minnesota kuj saib tau cov xov xwm zoo tib yam no thiab.

 Subscribe to ECHO Health and Safety Alerts