|
|
PEB YOG LEEJTWG
Cov uas yog cov thawj coj yog Saint Paul-Ramsey County Public Health, Hennepin County Public Health Protection, Minnesota Department of Health thiab lwm lub hoobkas uas txoj haujlwm yog los npaj rau cov xwm txheej ceev ntawm kev noj qab haus huv. ECHO muaj lus qhia txog kev noj qab haus huv thiab kev kaj huv uas hais ua ntau yam lus raws fax, xov tooj, thiab TV thiab hauv web thaum muaj xwm txheej ceev thiab thaum tsis muaj xwm txheej rau cov tib neeg uas paub lus Askiv tsis tshua zoo. Cov koom haum uas raug txib los npaj rau cov xwm txheej ceev ntawm kev noj qab haus huv tau tsim ECHO rau xyoo 2004. Lawv pom tau tias yuav tsum tsim tej yam tswv yim tshiab los pab txhua tus pejxeem Minnesota kom kaj huv thiab nyob zoo, rau lub caij uas muaj pua txhiab leej tib neeg tsiv tebchaws thiab tawg tebchaws uas nyias muaj nyias kab lis kev cai, tau tsiv los rau lub xeev no los tsim vaj-tsev nyob. Cov tib neeg los nyob tshiab no yuav tsum tau lus qhia txog cov teeb meem kev noj qab haus huv thiab kev kaj huv uas tshwm sim hauv no. Tsis tas li no, yuav tsum muaj lwm txoj kev zoo dua los mus cuag kom tau cov tib neeg uas paub lus Askiv tsis tshua zoo thaum muaj tej xwm txheej ceev thoob plaws lub xeev piv txwv li yog muaj ib tug kab mob xws li SARS uas kis tau yooj yim, kis tau tus ub tus no ceev heev lossis muaj kev tua neeg xws li thaum muaj foob pob loj tawg. ECHO pab txuas tej yam uas tu ncua thaum uas Minnesota cov pejxeem los tshiab tseem kawm lus Askiv ua lawv yam lus thij ob. Nws muaj nqis rau txhua tus pejxeem Minnesota vim tias thaum muaj ib yam kab mob phem tau kis toj kis pes tuaj, yuav tsis muaj leej twg tiv thaiv tau lawv tus kheej yog tias tsis muaj kev qhia kom ntxaws ua ntej rau txhua tus neeg paub. Thaum muaj xwm txheej ceev, lub hom phiaj ntawm ECHO yog saib xyuas kom tsis pub ib leej pejxeem Minnesota twg raug poob qab vim qhov uas nws tsis paub lus lossis tsis paub kab lis kev cai. |
ECHO (Emergency and Community Health Outreach) yog ib lub koom haum tau kev sib koom tes los ntawm